蔡嘉民 Calvin係我非常欣賞嘅程式交易高手，一開始我係透過Facebook了解到Calvin嘅操作方法，佢所用嘅策略嘅種類多不勝數！同埋望住佢嘅對沖基金條Equity Curve嘅Sharpe同埋回報率，不敢拍案叫絕！之後咁啱喺CUHK嘅Quantitative Finance Conference撞到，吹左兩句之後已經覺得好好傾，亦都令我非常欣賞佢嘅魄力同埋生意頭腦！
最近同Calvin傾偈嘅時候，佢曾經問我：「你係點樣揀寫推薦序嘅人？」。其實我真係有諗過，我認為《發掘超強港股》入面包含咗三個主要嘅元素，分別係金融基礎理論、增長型投資法、程式交易，而我所搵嘅推薦人分別係各個元素對我影響最深遠嘅朋友。唔使諗，Calvin當然係程式交易嘅代表 
喺本書嘅第二章入邊，詳細交代左「趨勢樣板指數」同埋「相對強度評等」背後嘅概念、計算方法、編程方法、結果分析同應用，但係都只係佔咗程式交易嘅一小部份。如果讀者想清楚了解程式交易由頭到尾嘅成個flow，我都強烈建議大家參考Calvin嘅兩部著作：《程式交易理論與實踐》同埋《程式交易快穩準》，你會發現要獲得優秀嘅策略同程式，從制定策略、判斷策略表現、優化策略，到如何使用系統，入面涉及大量嘅知識。
最後，多謝Calvin嘅whiskey，亦都多謝你upgrade兩本書做簽名版！下次有poker局一定叫埋你！
弩飛投資 