每次同洪龍荃 Larry Hung傾偈談論投資嘅時候，佢都比到我一種好穩陣、同埋淡定嘅感覺。哩種氣場嘅背後相信係透過巨量嘅研究同埋豐富嘅實戰經驗，先會散發出嚟！ 
當幾個月前進入牛年之後，我認為市場進入咗「清晰嘅混沌期」，當時我嘅投資方法嘅對策就係從「Long Fund」轉去「Project Base」，用hit and run方法去操作。其實我心目中仲有另外一個方法，就係集中投資最優質嘅股票，但係當中對研究嘅要求比上年更為嚴謹同精準。
正如書入邊所講，每一個投資方法都有佢嘅利弊，重點係搵一套最適合自己性格嘅方法。而Larry同佢嘅團隊就係將中長線思維嘅增長型投資法推到去極致，同時非常清楚自己「死門」嘅位喺邊度，因此長期持續地做到攻守兼備。所以我都決定將一部份資金交俾「中原博立」管理，對佢哋嘅投資方法投下信心嘅一票。
讀者可能留意到，由於篇幅有限，我喺第三章所覆蓋有關基本分析嘅題目（例如行業分析，估值方法，催化劑），比較一步到位，少咗中間嘅推論過程。我強烈建議大家睇吓Larry同拍檔Michael寫嘅《瞄準新世代增長股》，裏面非常詳細咁從基本面嘅角度帶出新經濟增長股嘅思考過程，我都好仔細咁睇咗好多次！
最後，再次感謝Larry嘅推薦，同埋將我手頭上本《瞄準新世代增長股》變成左簽名板啦！
弩飛投資 