過往咁多年，我差唔多每年都有去，即使有時冇特別想買嘅書，我都會去感受下氣氛！而今年最特別嘅地方係：會喺書展見到自己嘅著作《發掘超強港股》！對於鍾意買書同睇書嘅我來講，的確係好興奮嘅事！
其實出版社係有邀請我搞簽名會嘅，但係基於個人理由我婉拒左，喺呢度同想搵我簽名嘅讀者講聲唔好意思先，但我亦都好感激出版社尊重我嘅決定 ：）
大家可以喺天窗出版社嘅counter搵吓有冇啱自己心水嘅財經書，而且每日都有唔同嘅作者同大家見面！P.S. 其實我仲未睇張磊本《價值》，同埋想搵洪灝嘅《預測》，睇吓有冇得買先；之前買咗蔡金強同錢琛嘅新書，諗住拎埋去搵佢哋簽名！
（兩張圖都係來自天窗出版社 Enrich Culture嘅）
弩飛投資 