這是最好的時代，也是最壞的時代

話說尋日朋友同我講，佢有朋友轉工，所以一lot買咗幾百萬股票（因為而家買嘅話唔使過compliance），諗住下次轉工(可能幾年後）先再review。聽起上嚟好似好瘋狂，但係佢嘅情況就好似巴菲特所講 ”Buy on the assumption that they could close the market the next day and not reopen it for five years”。的確，現時嘅估值水平，加上市面上充斥着大量嘅負面因素，正如洪龍荃 Larry Hung引述高盛嘅研究，指未來一兩年獲得正回報相信係大概率嘅事。因此，以中長線嘅角度黎睇，而家的確係非常好嘅投資時間。

但係錢邊有咁容易賺，當大市跌到低位嘅時候，永遠都有好多原因令到投資者唔夠膽入市。而嚟緊幾個月，用一個短期嘅角度黎睇，我哋將會面對最壞嘅投資時間。若果你認為之前幾個月非常難炒，你會發現之後未來幾個月將會更加難炒：大趨勢唔會好似之前幾個月明顯向下，你會見到大量嘅gap up同gap down嘅情況，三日內大升大跌1000-1500點變得常見，momentum trading同reversal trading之間變得更模糊。

對於機構投資者，呢個係逐步入貨同坐貨嘅時間；對於普通投資者，係出方向之前，有機會輸掉唔單只係金錢，而係信心。