十月真係Uptober

其實而家真係一個好舒服嘅投資時間，雖然個別股票有急升急跌，但係對於中長線投資者來講，係一個逐步入貨嘅機會：1）有時間睇得清楚成個投資邏輯，無需急住跟紅頂白；2）呢個估值區間，坐得舒服。弩飛現時有六成倉位，考慮緊慢慢加入反向指數ETF，為嚟緊嘅調整做好準備（調整嘅力度會好影響下一次加倉嘅規模，所以對沖一部份可以平衡下心理）

通常第四季嘅投資項目都係延續第二三季嘅主線，例如今年嘅新能源同電動車，momentum會驅使資金炒埋佢，雖然我今年都係strong hold呢啲主線，都留意到佢哋嘅估值已經偏貴，所以都逐步離場尋找新嘅項目。

反而有唔少business model幾靚嘅公司，上年炒哂未來幻想出嚟，但係跌咗六七成之後，好多去返GARP（Growth At Reasonable Price）嘅情況，絕對值得重新revisit。

近排開始出緊第三季嘅業績，留意到出即使係出咗好業績嘅公司，市場嘅反應比較平淡，which is good，證明參與股票市場的人數唔多，唔需要爭住搶高個價，更有機會係波動嘅股價入邊，搵到靚位入。