1）大波動/無趨勢係主線
喺美國大選之前，八月至十月嘅不確定性非常大，即使中美關係理論上唔會進一步惡化（因為已經好差），但係中間嘅口水戰/小動作足以令到市場造成大波動。至於冇趨勢，係因為資金泛濫托住底部，但係估值亦都係高位，所以係有明確啲嘅方向之前，整體都處於無定向風嘅狀態。
2）新經濟始終面對着overcrowded嘅問題
呢兩三日都開始見到，中美港嘅新經濟開始湧現弱勢，無論大市升跌，佢哋都用高倍數嘅跌幅向下（科技，醫療，IT無一幸免）。同時間，大部份人好似對佢哋嘅估值變得麻木。冇錯，好嘅公司的確可以將估值推去2021年、甚至2022年，但係而家只係2020年，唔排除有一部份三四月買貨嘅聰明資金可以先行離場，因為佢哋相信嚟緊一兩年有更加好嘅買入位。
3）今年容易賺錢嘅時間已經過去
有趣嘅係，即使近排嘅新舊經濟轉換，情況唔似七月頭咁樣，資金湧入去比較偏門嘅舊經濟股（例如銀行，有色金屬，澳門）。因此令到好多利用三月至七月嘅投資思維去進行炒賣嘅投資者開始輸掉之前嘅盈利甚至虧損。同時間，越來越多散戶入市，喺七月頭去到頂峰，通常呢個情況會令到賺錢嘅難度增加。
部署：我哋將倉位退回三四成，俾佢自由浮動，同埋唔再用long fund/hedge fund嘅模式，改做project base嘅hit and run，所以同大市指數嘅對比變得冇咁重要，會focus番係absolute return。最重要係開始投資健康，因為疫情關係，大家身體嘅活動量比以前減少好多，一兩個月唔係問題，但係若果呢個係用年做單位，要開始將stress level減低，平衡返長遠身體狀態減弱嘅情況。
弩飛投資 