機會率嘅改變影響止蝕

大部份投資股票嘅人都認為一間公司係處於靜態嘅情況，佢有一個「合理」嘅估值，所以低過合理估值嘅時候可以買入，高過合理估值嘅時候可以沽出。但係其實一間公司係一個動態嘅生命體，每分每秒都喺度前進或者後退緊，同樣投資者對一間公司嘅認知，亦都因為訊息嘅流動而不停改變。呢個令我諗翻起「決勝21點」入面既蒙提霍爾問題 （Monty Hall Problem）：係新嘅資訊出現咗之後，背景情況好似冇變，但係背後嘅機會率已經變晒。

舉個例：若果睇返春立近排嘅走勢圖，綠色圈同紅色圈嘅值博率有冇分別？佢哋嘅股價係同樣嘅水平，所以直覺好似冇乜分別（當然你可以睇埋TA，但係唔係今次談論嘅重點）。綠色點係Analyst Meeting之前嘅時間，大家抱着好多疑問同不確定性；而兩點中間既Analyst Meeting所提及嘅正面訊息加上股價一小時內大升一成以上，導致調整過後嘅紅色圈成為相對非常安全嘅買入點，值博率非常高。若果以Texas Poker去睇呢件事，綠色點其實未開始派牌，紅色點就差唔多已經攞咗四條。但係四條唔等於你贏硬，正正因為你攞住四條，對家（沽方）重要係知道嘅情況下照樣All in你（跌穿關鍵位），你就會更加容易判斷對方可能有同花順（所以及早係藍色點進行止蝕）。

In a nutshell：「值博率高」唔單單係指上升既機會率高，而係可以將止蝕位縮到好細。