收息股分析(一)

好多人睇收息股,主要都係睇佢個息率係幾高,認為息率越高就越好。理論上係冇錯嘅,但係息率只係其中一個考慮嘅項目,而派息嘅「穩定性」亦都係非常重要。

試諗吓:若果有兩隻股票,A係5厘但係過往20年有4次試過減派息,B係4.8厘不過股息係只升不跌,你會選擇邊款?相信大部份人都唔會為咗0.2厘以接受有20%(4/20)減派息嘅風險。

根據Pecking Order Theory,公司唔去到真係差嘅情況都唔會減派息,因為佢哋甚至會寧願增加負債去派息,所以減派息所傳出嚟嘅訊號係非常差。

基於以上嘅疑問,路飛當然又整咗個spreadsheet,睇返全香港1000隻最大市值嘅股票過往20年嘅派息情況去計算每隻股票派息嘅「穩定性」。用嘅數據係基本股息,不包括一次性嘅股息或者分拆。

「穩定性」嘅嘅計算方法好簡單:喺過往20年,若果有一次減派息,就會係 -1,減兩次派息就係 -2。但係如果派息嘅時間小過20年,就會做少少調整。例如某隻股票只係排咗10年息,而其中減派咗一次,我就用pro rata嘅方法推斷佢20年平均會減派兩次息(-1 x 20 / 10)

對於有Bloomberg嘅朋友,以下係我用BQL嘅syntax,有興趣可以參考吓(因為有人問過):
=BQL.Query(“get(sum(cash_divs(dates=range(-2Y,-1Y), dividend_type=regular,currency=HKD))) for (‘xxx HK Equity’)")

結果聽日先寫,隻眼好攰⋯

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: