榮昌生物(9995)RC48比預期快咗上市

相信大家都知榮昌今日升到爆咗,主要係因為佢隻RC48獲國家藥監局批准上市,成為中國第一隻國內自主研發嘅ADC。

其實一直都對榮昌有期望,主要有三點:

1)當單抗PD-1變得越嚟越crowded,市場開始會睇下一批治療方案,暫時最有機會就係雙抗、ADC同埋mRNA,所以subsector嚟睇,係一個唔錯嘅選擇。佢仲要係龍頭,第一個去到NDA,而貼得最近嘅百奧泰去到第三期終止左。雖然ASCO年會入面,新碼生物同埋科倫博泰都出咗ADC嘅數據,而ORR更為優勝,搞到我有少少擔心,但係尋日同醫生朋友食飯,問佢咁嘅數據驚唔驚,佢反問返我:「其實你知唔知一二期,係做啲乜嘢?」,佢覺得一二期主要都係試隻新藥嘅安全性,去到三期先見真章,by the time嗰兩隻有威脅嘅時候,可能都已經唔知過咗幾耐,呢個亦都解釋咗點解百奧泰係第一二期嘅數據都靚過榮昌,但係過唔到第三期。

2)有機會出海賣去其他國家,而榮昌嘅兩隻藥(RC18,RC48)都有足夠嘅競爭力:永昌喺美國已經開咗新office,請埋人準備做大嘅環球性第三期嘅RC18試驗,而RC48亦都周圍搵緊環球合作夥。

3)諗住去科創版上市,募集40億,成為A+H股,返去上市又係一個催化劑,因為估值方法唔同。

其實股價嘅走勢去到$112.5嗰啲位,每次都係等緊正面嘅催化劑,先有機會突破向上,我原本諗住6月4號至8號嘅ASCO年會入面,榮昌會出到令股價突破嘅數據,結果冇發生到。跟住又寄望RC48獲批上市,但係諗住七月份先有機會,所以本來諗住嚟緊一兩個星期等佢調整一下,有機會先加多一注,結果今日就已經獲批上市,就咁衝左上去,所以其實真係唔應該time the market…

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: